ವೆಂಟನಾ ಫೌಂಡೇಶನ್ (VF), ಒಂದು ಸಾಮಾಜಿಕ ಮತ್ತು ಪರಿಸರೀಯ ಜವಾಬ್ದಾರಿ ಇರುವ  ಸಮೂಹವು ಎಲ್ಲರಿಗೂ ಉತ್ತಮ ಭವಿಷ್ಯವನ್ನು ಸೃಷ್ಟಿಸಲು ಬದ್ಧವಾಗಿದೆ. ಶಿಕ್ಷಣವು ಪ್ರತಿ ಮಗುವಿನ  ಮೂಲಭೂತ ಹಕ್ಕು, ಆದರೆ ಸೌಲಭ್ಯ ವಂಚಿತ ಅನೇಕ ಮಕ್ಕಳಿಗೆ ಮೂಲಭೂತ ಶಿಕ್ಷಣದ ಲಭ್ಯತೆಯ ಕೊರತೆ ಇದೆ. ವೆಂಟನಾ ಫೌಂಡೇಶನ್‍ನ ಇತ್ತೀಚಿನ ಉಪಕ್ರಮವು ವಿವಿಧ ಶಾಲೆಗಳ ಅನೇಕ ವಿದ್ಯಾರ್ಥಿಗಳಿಗೆ ಪುಸ್ತಕಗಳು ಮತ್ತು ಸಾಮಗ್ರಿಗಳನ್ನು ಕೊಡುಗೆಯಾಗಿ ನೀಡುವ ಮೂಲಕ ಈ ಅಂತರವನ್ನು ಕಡಿಮೆ ಮಾಡುವ ಗುರಿಯನ್ನು ಹೊಂದಿದೆ.

ಇದು ಜೂನ್ 2022 ರಲ್ಲಿ, ವೆಂಟನಾ ಫೌಂಡೇಶನ್ ತಂಡದ ಸದಸ್ಯರಾದ ಶರತ್ ಅವರು ತಮ್ಮ ನೆರೆಯ ಕಾವಲುಗಾರ ಮತ್ತು ಭದ್ರತಾ ಸಿಬ್ಬಂದಿಯು ತಮ್ಮ ಸಮಾಜದ ವಲಯದಲ್ಲಿರುವ ಮಕ್ಕಳಿಗೆ ಪುಸ್ತಕಗಳನ್ನು ಒದಗಿಸಲು ಸಹಾಯ ಮಾಡುವಂತಹ ವಿನಂತಿಗಳನ್ನು ಸ್ವೀಕರಿಸಿದಾಗ ಪ್ರಾರಂಭವಾಯಿತು. ಶರತ್ ಅವರು ಕೂಡಲೇ ವೆಂಟನಾ ಫೌಂಡೇಶನ್ ತಂಡವನ್ನು ತಲುಪಿದರು ಮತ್ತು ಅವರು ತಕ್ಷಣವೇ ಅಗತ್ಯವಿರುವ ಪುಸ್ತಕಗಳನ್ನು ಒದಗಿಸಲು ಪ್ರಾರಂಭಿಸಿದರು. ಆದಾಗ್ಯೂ, ಅವರು ಕೇವಲ ಪುಸ್ತಕಗಳನ್ನು ಒದಗಿಸುವುದಕ್ಕಿಂತ ಹೆಚ್ಚಿನದನ್ನು ಮಾಡಲು ಬಯಸಿದ್ದರು. ಈ ಮಕ್ಕಳಲ್ಲಿ ಹೆಚ್ಚಿನವರು ಮಳೆಗಾಲದಲ್ಲಿ ಅಗತ್ಯ ವಸ್ತುಗಳಾದ ಶಾಲಾ ಚೀಲಗಳು ಮತ್ತು ಛತ್ರಿಗಳಂತಹ ಮೂಲಭೂತ ಸಾಮಗ್ರಿಗಳನ್ನು ಕೊಳ್ಳಲು ಸಾಧ್ಯವಾಗದ ಕುಟುಂಬಗಳಿಂದ ಬಂದವರು ಎಂದು ಅವರು ಅರಿತುಕೊಂಡರು.

ವೆಂಟನಾ ಫೌಂಡೇಶನ್ ತಂಡವು ಪುಸ್ತಕಗಳ ಜೊತೆ ಶಾಲಾ ಚೀಲಗಳು ಮತ್ತು ಛತ್ರಿಗಳನ್ನು ಕೂಡಲೆ ಸಂಗ್ರಹಿಸಿತು ಮತ್ತು ಉಡುಪಿಯ ಕಡಿಯಾಳಿಯಲ್ಲಿರುವ ಸೊಸೈಟಿ ಸಭಾಂಗಣದಲ್ಲಿ ಕಾರ್ಯಕ್ರಮವನ್ನು ಆಯೋಜಿಸಿತು, ಕೊಡುಗೆಯಾಗಿ ವಸ್ತುಗಳನ್ನು ಸ್ವೀಕರಿಸಲು ಅಲ್ಲಿಗೆ ವಿವಿಧ ಶಾಲೆಗಳ ಮಕ್ಕಳನ್ನು ಆಹ್ವಾನಿಸಲಾಯಿತು. ಆದರೆ ಕೆಲವು ಮಕ್ಕಳಿಗೆ ಅವರವರ ಶಾಲೆಯ ಆವರಣದಲ್ಲಿ ಅಂದರೆ ಕಕ್ಕುಂಜೆ ಅನುದಾನಿತ ಶಾಲೆ ಮತ್ತು ನಿಟ್ಟೂರು ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಗಳಲ್ಲಿ ಸಾಮಗ್ರಿಗಳನ್ನು ಒದಗಿಸಲಾಗಿದೆ. ಶಾಲೆಗಳು ಹೆಚ್ಚುವರಿಯಾಗಿ, ಕೊನೆಯಲ್ಲಿ ಇನ್ನೂ ಕೆಲವು ಹೆಸರುಗಳನ್ನು ಸೇರಿಸಿದವು ಮತ್ತು ಈ  ಮಕ್ಕಳಿಗೆ ಸಹ ಅಗತ್ಯವಾದ ಸಾಮಗ್ರಿಗಳನ್ನು ಒದಗಿಸಲು ವೆಂಟನಾ ಫೌಂಡೇಶನ್ ತಂಡ ಸಂತೋಷಪಟ್ಟಿತು.

ಶಾಲೆಗಳು ಈ ಕೆಲಸವನ್ನು ಹೊಗಳಿ ವೆಂಟನಾ ಫೌಂಡೇಶನ್‌ಗೆ ತಮ್ಮ ಕೃತಜ್ಞತೆಯನ್ನು ಸಲ್ಲಿಸಿದವು. ತಮ್ಮ ಭವಿಷ್ಯದ ಯಾವುದೇ ಅವಶ್ಯಕತೆಗಳಿಗಾಗಿ ಅವರು ವೆಂಟನಾ ಫೌಂಡೇಶನ್ ತಂಡವನ್ನು ಸಂಪರ್ಕಿಸುವುದಾಗಿ ಅವರು ತಿಳಿಸಿದ್ದಾರೆ. ಈ ಕಾರ್ಯವು ಸೌಲಭ್ಯ ವಂಚಿತ ಮಕ್ಕಳಿಗೆ ಶೈಕ್ಷಣಿಕ ಸಾಮಗ್ರಿಗಳನ್ನು ಒದಗಿಸುವುದು ಮಾತ್ರವಲ್ಲದೆ ವೆಂಟನಾ ಫೌಂಡೇಶನ್ ಮತ್ತು ಸ್ಥಳೀಯ ಶಾಲೆಗಳ ನಡುವೆ ಬಲವಾದ ಬಾಂಧವ್ಯವನ್ನು ನಿರ್ಮಿಸಲು ಸಹಾಯ ಮಾಡಿತು.

ವೆಂಟನಾ ಫೌಂಡೇಶನ್‌ನ ಮುಖ್ಯ ದೃಷ್ಟಿಕೋನವು ಪ್ರತಿ ಮಗು ತನ್ನ ಸಾಮಾಜಿಕ-ಆರ್ಥಿಕ ಸ್ಥಿತಿಯನ್ನು ಲೆಕ್ಕಿಸದೆ ಮೂಲಭೂತ ಶಿಕ್ಷಣವನ್ನು ಪಡೆಯುವುದನ್ನು ಖಚಿತಪಡಿಸಿಕೊಳ್ಳುವುದಾಗಿದೆ. ಉತ್ತಮ ಭವಿಷ್ಯವನ್ನು ತೆರೆಯಲು ಮತ್ತು ಉತ್ತಮ ಜೀವನಕ್ಕೆ ಅವಕಾಶಗಳನ್ನು ಒದಗಿಸಲು ಶಿಕ್ಷಣವು ಕೀಲಿಕೈಯಾಗಿದೆ ಎಂಬುದನ್ನು ಅದು ನಂಬುತ್ತದೆ. ವೆಂಟನಾ ಫೌಂಡೇಶನ್ ಸಮಾಜದ ಮೇಲೆ ಸಕಾರಾತ್ಮಕ ಪರಿಣಾಮ ಬೀರಲು ಬದ್ಧವಾಗಿದೆ ಮತ್ತು ಅದನ್ನು ಮಾಡಲು ನವೀನ ಮಾರ್ಗಗಳನ್ನು ನಿರಂತರವಾಗಿ ಅನ್ವೇಷಿಸುತ್ತಿದೆ.

ಈ ಕಾರ್ಯತತ್ಪರತೆಯ ಮೂಲಕ, ತಮ್ಮ ಸಮುದಾಯಗಳಲ್ಲಿ ಸೌಲಭ್ಯ ವಂಚಿತ ಮಕ್ಕಳನ್ನು ಬೆಂಬಲಿಸಲು ಇದೇ ರೀತಿಯ ಕ್ರಮಗಳನ್ನು ತೆಗೆದುಕೊಳ್ಳುವಂತೆ ವೆಂಟನಾ ಫೌಂಡೇಶನ್ ಇತರರನ್ನು ಪ್ರೇರೇಪಿಸುತ್ತದೆ. ಒಂದುಗೂಡುವ ಮತ್ತು ಪರಸ್ಪರ ಬೆಂಬಲಿಸುವ ಮೂಲಕ, ನಾವು ಎಲ್ಲರಿಗೂ ಉಜ್ವಲ ಭವಿಷ್ಯವನ್ನು ನಿರ್ಮಿಸಬಹುದು. ಶಿಕ್ಷಣವು ಈ ಪ್ರಯಾಣದ ಮಹತ್ವಯುತ ಭಾಗವಾಗಿದೆ ಮತ್ತು ಪ್ರತಿ ಮಗು ಈ ಮೂಲಭೂತ ಹಕ್ಕನ್ನು ಪಡೆದುಕೊಳ್ಳುವುದನ್ನು ಖಚಿತಪಡಿಸಿಕೊಳ್ಳುವಲ್ಲಿ ವೆಂಟನಾ ಫೌಂಡೇಶನ್ ಒಂದು ಸಣ್ಣ ಪಾತ್ರವನ್ನು ವಹಿಸಲು ಹೆಮ್ಮೆಪಡುತ್ತದೆ.