ಪರಿಸರ ಸಂರಕ್ಷಣೆ

ನಮ್ಮ ಪರಿಸರದ ರಕ್ಷಣೆಯು ಪ್ರತಿಯೊಬ್ಬರ ಕರ್ತವ್ಯ ಏಕೆಂದರೆ ಜೊತೆಗೂಡಿ ಮಾಡುವ ಕಾರ್ಯವು ಹೆಚ್ಚು ಪ್ರಭಾವ ಬೀರುತ್ತದೆ. ನಮ್ಮ ಭೂಮಿಯ ಸಣ್ಣ ಮೂಲೆಯನ್ನು ಸ್ವಚ್ಛವಾಗಿ ಮತ್ತು ಹಸಿರಾಗಿ ಇಟ್ಟುಕೊಳ್ಳುವುದು ಒಂದು ಸವಾಲಿನ ಕೆಲಸವಾದರೂ ಕೂಡ – ಇಂತಹ ಸಣ್ಣ ಸಣ್ಣ ಪ್ರಯತ್ನಗಳು ಕೂಡಿ ಪರಿಣಾಮಕಾರಿ ಫಲಿತಾಂಶವನ್ನು ನೀಡುತ್ತದೆ. ನಮ್ಮ ಮುಂದಿನ ಪೀಳಿಗೆಯು ಭವಿಷ್ಯದ ದಿನಗಳಲ್ಲಿ ತಾಜಾ ಗಾಳಿಯನ್ನು ಉಸಿರಾಡಲು ಸಾಧ್ಯವಾಗಲು, ನಾವು ಹಸಿರಿನಿಂದ ಕೂಡಿದ ಪರಿಸರಕ್ಕಾಗಿ ಉಪಕ್ರಮಗಳು, ನೈರ್ಮಲ್ಯದ ಚಟುವಟಿಕೆಗಳು ಮತ್ತು ಮರಗಳನ್ನು ನೆಡುವುದರ ಮೇಲೆ ಹೆಚ್ಚಿನ ಗಮನವನ್ನು ಕೇಂದ್ರೀಕರಿಸಿದ್ದೇವೆ.

ಸಾಂಸ್ಕೃತಿಕ ಪುನರುಜ್ಜೀವನ

ನಮ್ಮ ಪ್ರಾಂತ್ಯವು ಯಕ್ಷಗಾನ ಗೊಂಬೆಯಾಟ, ಹುಲಿವೇಷ ಕುಣಿತ, ಕೋಲದಂತಹ ಹಲವಾರು ಅನನ್ಯ ಸಾಂಸ್ಕೃತಿಕ ಕಲೆಗಳನ್ನು ಹೊಂದಿದೆ. ಅನೇಕ ತಲೆಮಾರುಗಳಿಂದಲೂ ಈ ಪರಂಪರೆಗಳನ್ನು ಮಂದುವರಿಸಿಕೊಂಡು ಬರಲಾಗಿದೆ. ಆದರೆ ಇಂದಿನ ದಿನಗಳಲ್ಲಿ ಕಲಾವಿದರಿಗೆ ಅದನ್ನು ಉಳಿಸಿಕೊಳ್ಳಲು ಕಷ್ಟವಾಗುತ್ತಿದ್ದಂತೆ ಈ ಕಲಾಪ್ರಕಾರಗಳು ಕಣ್ಮರೆಯಾಗುತ್ತಿವೆ. ಇಂತಹ ಕಲಾವಿದರನ್ನು ಸಬಲೀಕರಿಸುವುದೇ ನಮ್ಮ ಗುರಿಯಾಗಿದೆ. ಇದರಿಂದ ನಮ್ಮ ಸಂಸ್ಕೃತಿಯು ಮುಂದಿನ ಪೀಳಿಗೆಗೆ ಆಳವಾಗಿ ನೆಲೆಯೂರಲು ಸಾಧ್ಯವಿದೆ.

ಶಿಕ್ಷಣ

ರಾಷ್ಟ್ರೀಯ ಶಿಕ್ಷಣ ನೀತಿ 2000 ದ ಪ್ರಕಾರ, ಕನಿಷ್ಠ 5 ನೇ ತರಗತಿಯವರೆಗೆ ಮತ್ತು ಸಾಧ್ಯವಾದಲ್ಲಿ ಗ್ರೇಡ್ 8 ರವರೆಗಿನ ಶಿಕ್ಷಣ ಮಾಧ್ಯಮವು ನಮ್ಮ ಪ್ರಾದೇಶಿಕ ಭಾಷೆಯಲ್ಲಿರಬೇಕು. ಆದರೆ, ಇಂದಿನ ಸ್ಪರ್ಧಾತ್ಮಕ ಸಮಾಜದಲ್ಲಿ ಮಕ್ಕಳು ಆಂಗ್ಲ ಮಾಧ್ಯಮ ಶಾಲೆಗಳಲ್ಲಿಯೇ ಕಲಿಯಬೇಕು ಎಂಬ ಜನಸಾಮಾನ್ಯರ ಸಹಜವಾದ ನಂಬಿಕೆಯಿಂದಾಗಿ ಕನ್ನಡ ಮಾಧ್ಯಮ ಶಾಲೆಗಳು ಕಡಿಮೆಯಾಗುತ್ತಿವೆ. ಸ್ಥಳೀಯ ಶಾಲೆಗಳಿಗೆ ಮೂಲಸೌಕರ್ಯ ಮತ್ತು ಸವಲತ್ತುಗಳನ್ನು ಒದಗಿಸಿಕೊಡುವುದರ ಮೂಲಕ ಅವುಗಳನ್ನು ಬೆಂಬಲಿಸುವ ಗುರಿಯನ್ನು ನಾವು ಹೊಂದಿದ್ದೇವೆ.

ಸಮುದಾಯದ ಸೇವೆ

ಉಡುಪಿಯು ಐತಿಹಾಸಿಕ ಪ್ರಾಮುಖ್ಯತೆ ಹೊಂದಿರುವಂತಹ ಅನೇಕ ಸಾಂಸ್ಕೃತಿಕ ಮತ್ತು ಅನನ್ಯ ಸ್ಮಾರಕಗಳ ತವರೂರಾಗಿದೆ. ಆದರೆ ಅವುಗಳನ್ನು ಸರಿಯಾಗಿ ನಿರ್ವಹಣೆ ಮಾಡದಿರುವುದರಿಂದಾಗಿ ಅವುಗಳನ್ನು ಜೀರ್ಣೋದ್ಧಾರಗೊಳಿಸಬೇಕಾಗಿದೆ. ಸ್ಥಳೀಯ ಸ್ಮಾರಕಗಳನ್ನು ಪುನರ್ನಿರ್ಮಿಸಲು ಮತ್ತು ಜೀರ್ಣೋದ್ಧಾರಗೊಳಿಸಲು ನಾವು ಸ್ಥಳೀಯ ಗುಂಪುಗಳೊಂದಿಗೆ ಸಹಭಾಗಿತ್ವವನ್ನು ಹೊಂದಿದ್ದೇವೆ. ಮಾತ್ರವಲ್ಲದೇ, ಈ ಪ್ರಾಂತ್ಯದಲ್ಲಿ ಆರೋಗ್ಯ ಕಾಳಜಿ , ಕ್ರೀಡೆ ಮತ್ತು ಮಹಿಳಾ ಕಲ್ಯಾಣಕ್ಕೂ ಇದೇ ರೀತಿಯ ಬೆಂಬಲವನ್ನು ಸಹ ನೀಡುತ್ತಿದ್ದೇವೆ.