ನವೆಂಬರ್ 16 ಮತ್ತು 17, 2024 ರಂದು ಉಡುಪಿ ಕೃಷ್ಣ ಮಠದ ಪ್ರತಿಷ್ಠಿತ ರಾಜಾಂಗಣದಲ್ಲಿ ನಡೆದ ಅವರ ಇತ್ತೀಚಿನ ಪ್ರಯತ್ನವಾದ 'ನೃತ್ಯೋತ್ಸವ 2024', ಶಾಸ್ತ್ರೀಯ ನೃತ್ಯವನ್ನು ಉಳಿಸುವ ಮತ್ತು ಉತ್ತೇಜಿಸುವ ಸಂಸ್ಥೆಯ ಬದ್ಧತೆಯನ್ನು ಪ್ರದರ್ಶಿಸಿತು. ವೆಂಟಾನಾ ಫೌಂಡೇಶನ್‌ನ ಸಹಯೋಗದೊಂದಿಗೆ ನಡೆದ ಈ ಎರಡು-ದಿನದ ಸಾಂಸ್ಕೃತಿಕ ಸಂಭ್ರಮವು ಸಂಪ್ರದಾಯ ಮತ್ತು ಅವಕಾಶಗಳ ಪರಸ್ಪರ ಮೇಳೈಕೆಗೆ ಒಂದು ವಿಶಿಷ್ಟ ವೇದಿಕೆಯನ್ನು ಕಲ್ಪಿಸಿತು, ಯುವ ನೃತ್ಯಗಾರರು ತಮ್ಮ ಪ್ರತಿಭೆಯನ್ನು ನಿಪುಣ ಕಲಾವಿದರೊಂದಿಗೆ ಪ್ರದರ್ಶಿಸುವ ಅವಕಾಶ ಪಡೆದುಕೊಂಡರು.

ಸಾಂಸ್ಕೃತಿಕ ಸಂರಕ್ಷಣೆಯೇ ನೃತ್ಯೋತ್ಸವದ ಸಮಗ್ರ ದೃಷ್ಟಿಕೋನವಾಗಿದ್ದು, ಇದರಿಂದಾಗಿಯೇ ಉಳಿದ ಸಂಸ್ಥೆಗಳಿಗಿಂತ ಅದು ಹೆಚ್ಚು ವಿಭಿನ್ನವಾಗಿ ನಿಲ್ಲುತ್ತದೆ. ಈ ಈವೆಂಟ್‍ನಲ್ಲಿ ಭರತನಾಟ್ಯದ ಅಂತಃಸತ್ವವನ್ನು ಉಳಿಸಿಕೊಳ್ಳುವುದರ ಜೊತೆಗೆ ಭಾಗವಹಿಸುವವರಿಗೆ ಸವಾಲು ಹಾಕುವ ರೀತಿಯಲ್ಲಿ ಐದು ವಿಭಾಗಗಳಲ್ಲಿ ರಾಷ್ಟ್ರೀಯ ಮಟ್ಟದ ಸ್ಪರ್ಧೆಗಳನ್ನು ಆಯೋಜಿಸಲಾಗಿತ್ತು. ಪ್ರಖ್ಯಾತ ಕಲಾವಿದರನ್ನು ಪ್ರದರ್ಶನಕ್ಕೆ ಆಹ್ವಾನಿಸುವ ಮೂಲಕ, ಈ ಶಾಸ್ತ್ರೀಯ ನೃತ್ಯ ಶೈಲಿಗೆ ವಿಭಿನ್ನ ವ್ಯಾಖ್ಯಾನಗಳು ಮತ್ತು ದೃಷ್ಟಿಕೋನಗಳನ್ನು ಒದಗಿಸುವ ಅಮೂಲ್ಯ ಅವಕಾಶವನ್ನು ಸಂಸ್ಥೆಯು ಕಲ್ಪಿಸಿಕೊಟ್ಟಿತು.

ಸೃಷ್ಟಿ ನೃತ್ಯ ಕಲಾಕುಟೀರದ ಯಶಸ್ಸು ಭವಿಷ್ಯದ ಪೀಳಿಗೆಗೆ ಶಾಸ್ತ್ರೀಯ ಕಲೆಗಳು ಜೀವಂತವಾಗಿ ಮತ್ತು ಪ್ರಸ್ತುತವಾಗಿ ಉಳಿಯುವ ಭರವಸೆಯ ವಿಶಾಲ ಗುರಿಯನ್ನು ಪ್ರತಿಬಿಂಬಿಸುತ್ತದೆ. ಪ್ರದರ್ಶನಗಳು, ತರಬೇತಿ ಅವಧಿಗಳು, ಕಾರ್ಯಾಗಾರಗಳು ಮತ್ತು ಸ್ಪರ್ಧೆಗಳ ಮೂಲಕ, ಅವರು ಯುವ ಕಲಾವಿದರಿಗೆ ತಮ್ಮ ಸಾಂಸ್ಕೃತಿಕ ಪರಂಪರೆಯೊಂದಿಗೆ ಬಾಂಧವ್ಯ ಉಳಿಸಿಕೊಳ್ಳುವ ಮಾರ್ಗೋಪಾಯಗಳನ್ನು ಒದಗಿಸುತ್ತಾರೆ. ನೃತ್ಯೋತ್ಸವ 2024 ಗಾಗಿ ವೆಂಟಾನಾ ಫೌಂಡೇಶನ್‌ ನೀಡಿದ ಸಹಯೋಗವು ಸಾಂಪ್ರದಾಯಿಕ ಕಲಾ ಪ್ರಕಾರಗಳು ಮತ್ತು ಸಮಕಾಲೀನ ಪ್ರೇಕ್ಷಕರ ನಡುವಿನ ಅಂತರವನ್ನು ಕಡಿಮೆ ಮಾಡುವ ಉಪಕ್ರಮಗಳನ್ನು ಪೋಷಿಸುವ ಸಮಾನ ಬದ್ಧತೆಯ ಅಗತ್ಯತೆಯನ್ನು ಎತ್ತಿಹಿಡಿಯುತ್ತದೆ.