ಶಿಕ್ಷಣವು ಉಜ್ವಲ ಭವಿಷ್ಯದ ಬುನಾದಿಯಾಗಿದೆ, ಆದರೆ ಸೌಲಭ್ಯ ವಂಚಿತ ಅನೇಕ ಮಕ್ಕಳಿಗೆ, ಅವಕಾಶಗಳು ಮತ್ತು ಸಂಪನ್ಮೂಲಗಳ ಕೊರತೆಯಿಂದಾಗಿ ಇದು ದೂರದ ಕನಸಾಗಿ ಉಳಿದಿದೆ. ಇದಕ್ಕಾಗಿಯೇ ವೆಂಟನಾ ಫೌಂಡೇಶನ್ (VF) ಪಟ್ಲದಲ್ಲಿರುವ ಯು ಎಸ್ ನಾಯಕ್ ಶಾಲೆಗೆ ಪುಸ್ತಕಗಳನ್ನು ದಾನ ಮಾಡುವ ಉಪಕ್ರಮ ತೆಗೆದುಕೊಂಡಿದೆ, ಇದು ಶಿಕ್ಷಣವನ್ನು ಪಡೆದುಕೊಳ್ಳುವಲ್ಲಿ ಇರುವ ಅಂತರವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಸುಮಾರು 140 ವಿದ್ಯಾರ್ಥಿಗಳಿಗೆ ಉಚಿತ ಶಿಕ್ಷಣವನ್ನು ಒದಗಿಸುವ ಶಾಲೆಯು ತಮ್ಮ ಪ್ರೌಢಶಾಲಾ ವಿದ್ಯಾರ್ಥಿಗಳಿಗೆ ಪುಸ್ತಕಗಳನ್ನು ಒದಗಿಸುವಂತೆ ವೆಂಟನಾ ಫೌಂಡೇಶನ್‌ನಿಂದ ಸಹಾಯವನ್ನು ಕೋರಿತು. ವೆಂಟನಾ ಫೌಂಡೇಶನ್ ತಂಡದ ಸದಸ್ಯರಾದ ಸುಧೀರ್ ಮತ್ತು ರಮೇಶ್ ಅವರು ಶಾಲೆಗೆ ಭೇಟಿ ನೀಡಿದಾಗ, ಯು ಎಸ್ ನಾಯಕ್ ಚಾರಿಟೇಬಲ್ ಟ್ರಸ್ಟ್‌ನಿಂದ ಅತಿ ಹೆಚ್ಚಿನ ಕೊಡುಗೆ ಪಡೆಯುವ ಟ್ರಸ್ಟ್ ಮೂಲಕ ಶಾಲಾ ಪರಿಸರವನ್ನು ಉತ್ತಮವಾಗಿ ನಿರ್ವಹಿಸುವ ಅಗತ್ಯತೆಯನ್ನು ಮನಗಂಡರು. ಶಾಲೆಯು ಹುಡುಗರಿಗೆ ಉಚಿತ ಹಾಸ್ಟೆಲ್‌ ಸೌಲಭ್ಯವನ್ನು ಒದಗಿಸುತ್ತದೆ, ಆದರೆ ಹುಡುಗಿಯರು ಹತ್ತಿರದ ಸರ್ಕಾರಿ - ಅನುದಾನಿತ ವಸತಿ ವ್ಯವಸ್ಥೆಯಲ್ಲಿ ನೆಲೆಸಿದ್ದಾರೆ.

ಆರಂಭದಲ್ಲಿ, ಶಾಲೆಯಿಂದ ಪಡೆದ ವಿನಂತಿಯು ಹೈಸ್ಕೂಲ್ ವಿದ್ಯಾರ್ಥಿಗಳಿಗಾಗಿ ಆಗಿತ್ತು, ಆದರೆ ಎಲ್ಲರೂ ಹಾಸ್ಟೆಲ್‌ಗಳಲ್ಲಿ ಒಟ್ಟಿಗೆ ಇರುವ ಕಾರಣ ಎಲ್ಲಾ ವಿದ್ಯಾರ್ಥಿಗಳಿಗೆ ಪುಸ್ತಕಗಳನ್ನು ಒದಗಿಸುವುದು ಉತ್ತಮ ಎಂದು ವೆಂಟನಾ ಫೌಂಡೇಶನ್ ಭಾವಿಸಿತು. ಶಾಲೆಯು ಪ್ರತಿ ತರಗತಿಗೆ ಅಗತ್ಯವಿರುವ ಪುಸ್ತಕಗಳ ಪಟ್ಟಿಯನ್ನು ಒದಗಿಸಿತು, ಅದನ್ನು ವೆಂಟನಾ ಫೌಂಡೇಶನ್ ತಮ್ಮ ಮಾರಾಟಗಾರರಾದ ಕಿತಾಬ್ ಘರ್ ಅವರ ಸಹಾಯದಿಂದ ಸಂಗ್ರಹಿಸಿದರು. ಪುಸ್ತಕಗಳನ್ನು ತರಗತಿ ಅನ್ವಯ ಮತ್ತು ಲೆಕ್ಕವಾರು ಪ್ರತ್ಯೇಕಿಸುವ ಕಾರ್ಯವು ಕಷ್ಟಕರವಾಗಿತ್ತು, ಆದರೆ ವೆಂಟನಾ ಫೌಂಡೇಶನ್ ತಂಡವು ಈ ಪ್ರಕ್ರಿಯೆಯನ್ನು ಆನಂದಿಸಿತು ಮತ್ತು 131 ವಿದ್ಯಾರ್ಥಿಗಳ ಎಣಿಕೆಗೆ ಒಟ್ಟು 3000 ಪುಸ್ತಕಗಳನ್ನು ಒಂದು ಟ್ರಕ್‌ ನಲ್ಲಿ ತುಂಬಿ ತಂದ ಬಗ್ಗೆ ವೆಂಟನಾ ಫೌಂಡೇಶನ್ ತಂಡಖುಷಿಪಟ್ಟಿತು.

ಪುಸ್ತಕಗಳನ್ನು ಶಾಲೆಗೆ ಸಾಗಿಸಲಾಯಿತು, ಮತ್ತು ಶಾಲಾ ಅಧಿಕಾರಿಗಳು ಅಗತ್ಯಕ್ಕೆ ತಕ್ಕಂತೆ ಪುಸ್ತಕಗಳನ್ನು ಬೇರ್ಪಡಿಸಲು ಸಹಾಯ ಮಾಡಿದರು. ಪುಸ್ತಕಗಳ ವಿತರಣೆಗಾಗಿ ಒಂದು ಸಣ್ಣ ಕಾರ್ಯಕ್ರಮವನ್ನು ನಡೆಸಲಾಯಿತು, ಫೌಂಡೇಶನ್ ಅನ್ನು ಪ್ರತಿನಿಧಿಸುವಂತೆ ವೆಂಟನಾ ಫೌಂಡೇಶನ್ ತಂಡದ ಸದಸ್ಯ ಮತ್ತು ಉತ್ತರ ಕರ್ನಾಟಕದವರಾದ ಧರೇಶ್ ಅವರನ್ನು ಆಯ್ಕೆ ಮಾಡಲಾಯಿತು. ಅವರು ನಿರರ್ಗಳವಾಗಿ ಮಾತನಾಡಿದರು ಮತ್ತು ಈ ಉದಾತ್ತ ಕಾರ್ಯದ ಭಾಗವಾಗಿರುವುದಕ್ಕೆ ಹರ್ಷ ವ್ಯಕ್ತಪಡಿಸಿದರು.

ಈ ಉಪಕ್ರಮದ ಮೂಲಕ, ಸೌಲಭ್ಯ ವಂಚಿತ ಮಕ್ಕಳಿಗೆ ಶಿಕ್ಷಣ ಮತ್ತು ಸಂಪನ್ಮೂಲಗಳಿಗೆ ಪ್ರವೇಶವನ್ನು ಒದಗಿಸುವ ಮೂಲಕ ಅವರಿಗೆ ಉಜ್ವಲ ಭವಿಷ್ಯವನ್ನು ನಿರ್ಮಿಸಲು ಸಹಾಯ ಮಾಡುವ ಮೂಲಕ ಸಬಲೀಕರಣಗೊಳಿಸುವ ಗುರಿಯನ್ನು ವೆಂಟನಾ ಫೌಂಡೇಶನ್ ಹೊಂದಿದೆ. ಶಿಕ್ಷಣವು ಬಡತನದ ಚಕ್ರವನ್ನು ಮುರಿಯಲು ಪ್ರಮುಖ ಸಾಧನವಾಗಿದೆ ಮತ್ತು ಪ್ರತಿ ಮಗುವು, ತನ್ನ ಹಿನ್ನೆಲೆಯನ್ನು ಲೆಕ್ಕಿಸದೆ, ಗುಣಮಟ್ಟದ ಶಿಕ್ಷಣಕ್ಕೆ ಪ್ರವೇಶಕ್ಕೆ ಅರ್ಹವಾಗಿದೆ ಎಂದು ವೆಂಟನಾ ಫೌಂಡೇಶನ್ ನಂಬುತ್ತದೆ.

ವೆಂಟನಾ ಫೌಂಡೇಶನ್‌ನ ಉದ್ದೇಶವು ಸೌಲಭ್ಯ ವಂಚಿತ ಮಕ್ಕಳ ಜೀವನದಲ್ಲಿ ಬದಲಾವಣೆಯನ್ನು ತರುವುದಾಗಿದೆ ಮತ್ತು ಯು ಎಸ್ ನಾಯಕ್ ಶಾಲೆಗೆ ಈ ಪುಸ್ತಕಗಳ ಕೊಡುಗೆಯು ಆ ಗುರಿಯನ್ನು ಸಾಧಿಸಲು ಒಂದು ಹೆಜ್ಜೆಯಾಗಿದೆ. ಪ್ರತಿ ಮಗುವಿಗೆ ತಾನು ಯಶಸ್ವಿಯಾಗಲು ಅಗತ್ಯವಿರುವ ಶಿಕ್ಷಣ ಮತ್ತು ಸಂಪನ್ಮೂಲಗಳಿಗೆ ಪ್ರವೇಶವನ್ನು ಹೊಂದಿರುವ ಜಗತ್ತನ್ನು ಸೃಷ್ಟಿಸುವ ಅವರ ಉದ್ದೇಶದಲ್ಲಿ ಅವರೊಂದಿಗೆ ಸೇರಲು ಮತ್ತು ಇತರರನ್ನು ಪ್ರೇರೇಪಿಸಲು ವೆಂಟನಾ ಫೌಂಡೇಶನ್ ಆಶಿಸುತ್ತದೆ.